Prezident Shavkat Mirziyoyev 2024-yil 24-dekabrdagi “Sanoat, radiatsiya va yadro xavfsizligi sohasida davlat nazoratini takomillashtirishga doir qo‘shimcha chora-tadbirlar to‘g‘risida”gi PF-224 -son qarorini imzoladi.

Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi tarkibida Navoiy, Olmaliq, Bekobod va Temir yo‘l sanoat xavfsizligi inspeksiyalari tashkil etildi. 

2025-yil 1-iyuldan boshlab yuridik shaxslarga nisbatan quyidagi huquqbuzarliklar uchun jarimalar joriy etiladi:

xavfli ishlab chiqarish obyektlarida sanoat xavfsizligi talablari;

radiatsiyaviy va yadroviy xavfsizlikni ta’minlash bilan bog‘liq qoidalar va boshqa talablar;

park attraksionlarini ekspluatatsiya qilishda texnik jihatdan tartibga solish sohasidagi qonun hujjatlari va me’yoriy hujjatlar talablari.

O‘zbekiston quyidagi xalqaro shartnomalarga qo‘shilishni rejalashtirmoqda:

Yadroviy zarar uchun fuqarolik javobgarligi to‘g‘risidagi Vena konvensiyasi (Vena, 1963 yil 21 may);

Yadroviy yoki radiologik favqulodda vaziyatlarda yordam ko‘rsatish to‘g‘risidagi konvensiya (Vena, 1986 yil 26 sentyabr);

Yadroviy avariya haqida erta xabardor qilish to‘g‘risidagi konvensiya (Vena, 1986 yil 26 sentyabr); 

Yadro xavfsizligi to‘g‘risidagi konvensiya (Vena, 1994 yil 17 iyun).

Bundan tashqari, 2025-yilda quyidagi qonunlar ishlab chiqilishi kutilmoqda:

“Kimyoviy xavfsizlik to‘g‘risida”;

“Xavfli ishlab chiqarish obyektlarining sanoat xavfsizligi to‘g‘risida”;

“Radioaktiv chiqindilarni boshqarish to‘g‘risida”.

• O‘zbekiston
• Qaror
• Shavkat Mirziyoyev
• shartnoma