“XAMAS G‘azo sektorida garovga olinganlar ro‘yxatini Isroil bilan anklavda sulh bitimi doirasida almashishni ma’qulladi”, – deya xabar bermoqda Reuters.

Reutersga ko‘ra, har qanday sulh Isroil qo‘shinlarini G‘azo sektoridan chiqarish bo‘yicha kelishuvga erishishga bog‘liq bo‘ladi. XAMAS o‘t ochishni vaqtinchalik to‘xtatish rejimi emas, jangovar harakatlarni to‘liq to‘xtatish fikrida qat’iy turmoqchi.

Avvalroq, XAMAS Dohada (Qatar) G‘azo sektorida Isroil bilan o‘t ochishni to‘xtatish bo‘yicha bilvosita muzokaralarning yangi bosqichi o‘tganini tasdiqlagan edi. 23-dekabr kuni Isroil bosh vaziri Benyamin Netanyaxu G‘azoda o‘t ochishni to‘xtatish va garovga olinganlarni almashtirish bo‘yicha muzokaralarda “oldinga siljish” borligini ma’lum qilgan.

• Falastin
• Isroil
• Muzokara