Jumladan, Bojxona qo‘mitasining Kontrabandaga qarshi kurashish boshqarmasi hamda Davlat xavfsizlik xizmati xodimlari tomonidan poytaxtning Chilonzor tumanida o‘tkazilgan tezkor tadbirda oldindan kuzatuvga olingan shaxs boshqaruvidagi avtotransport vositasi to‘xtatilib, belgilangan tartibda ko‘zdan kechirilganda, mashinadagi haydovchi va yo‘lovchining cho‘ntagidan polietilen o‘ramlarda jami 165 gr og‘irlikdagi “opiy” giyohvandlik vositasi borligi aniqlangan.

Toshkent shahar bojxona boshqarmasi tezkor tuzilmalari tomonidan DXX va IIV xodimlari bilan hamkorlikda Yashnobod tumanidagi ofislardan birida o‘tkazilgan tezkor tadbirda 953 gr og‘irlikdagi “gashish” va ularni o‘lchashda foydalanilgan elektron tarozi borligi aniqlangan.

Shuningdek, Surxondaryo viloyati bojxona boshqarmasining “Ayritom” chegara bojxona postida qo‘shni davlatdan kirib kelgan yuk avtotransport vositasini bojxona ko‘rigidan o‘tkazish davomida haydovchi avtotransport kabinasidagi orqa o‘rindiq ostida 37 gr “gashish” giyohvandlik vositasini yashirib qo‘ygani fosh bo‘lgan.

Hozirda yuqoridagi holatlar yuzasidan bojxona organlari tomonidan jinoyat ishlari qo‘zg‘atilgan.

• Bojxona
• Chilonzor
• Giyohvandlik
• Surxondaryo
• Toshkent
• Yunusobod tumani