YeTTB va O‘zbekiston 20 million dollarlik ilk sinov svop operatsiyasini amalga oshirdi. Bu haqda Moliya vazirligi ma’lum qildi.
Buning natijasida xorijiy valyutadagi davlat qarzining bir qismi milliy valyutadagi qarzga o‘girildi.
“Svop bitimi bo‘yicha eng yaxshi narx taklif qilgan YeTTB bilan ISDA bosh kelishuvi imzolandi va Osiyo taraqqiyot bankidan xorijiy valyutada jalb qilingan qarz mablag‘larining 20 million AQSh dollari qismi bo‘yicha svop operatsiyasini amalga oshirildi. Qisqa qilib aytganda, ushbu ilk sinov svop operatsiyasi orqali 20 million AQSh dollaridagi davlat qarzi milliy valyutadagi qarzga o‘girildi”, – deyiladi vazirlik xabarida.
YeTTBning O‘zbekistondagi rahbari Alkis Drakinosning ta’kidlashicha, ushbu bitim “O‘zbekistonda mahalliy valyuta bozorini rivojlantirishdagi muhim bosqich”dir.
“Bu valyuta risklarini boshqarishni ham, mamlakat real sektorini milliy valyutada kreditlashni ham osonlashtiradi. Bu, ayniqsa, Markaziy Osiyo va undan tashqarida beqarorlik hukm surayotgan bir paytda juda muhimdir”, – deydi u.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!