“Roma” bosh murabbiyi Joze Mourinyo Portugaliya terma jamoasini boshqarish taklifini oldi. Rahbariyat mutaxassisga 2026-yilga qadar mo‘ljallangan shartnoma taklif qildi. Ammo, keltirilishicha, muzokaralat juda sekinlik bilan davom etmoqda.

Jurnalist Nikolo Skiraning xabariga ko‘ra, mahalliy futbol federatsiyasi Mourinyoni terma jamoa murabbiyligi lavozimiga o‘tishiga katta ishonch bildirmoqda, ammo murabbiyda biroz shubhalar mavjud. Portugaliyalik mutaxassis hozir bor e’tiborini “Roma”ga qaratgan va bir yarim yil tuzgan loyihasini tark etishni istamaydi.

Ma’lumot uchun, Mourinyo hech qachon terma jamoalar darajasida faoliyat olib bormagan. Klub futbolida u “Portu” hamda “Inter” jamoalari bilan Yevropa Chempionlar Ligasini yutishga muvaffaq bo‘lgan.

• Mourinyo
• Portugaliya
• Terma jamoa