Xabaringiz bor, bugun, 27-oktyabr kuni O‘zbekiston Respublikasi Oliy Majlisi Qonunchilik palatasi va mahalliy Kengashlar deputatlari saylovi bo‘lib o‘tmoqda. Saylov uchastkalari mahalliy vaqt bilan soat 08:00 da ochildi va saylovchilar ovoz berishni boshladi.

Prezident Shavkat Mirziyoyev O‘zbekiston Respublikasi Oliy Majlisi Qonunchilik palatasi va mahalliy Kengashlar deputatlari saylovida oilasi bilan ishtirok etdi. Bu haqda O‘zA xabar berdi.

Qayd etilishicha, davlat rahbari Toshkent shahri Mirzo Ulug‘bek tumanidagi 59-saylov uchastkasiga tashrif buyurib, saylovda ovoz bergan.

Ma’lumot uchun, Qonunchilik palatasi saylovlari ilk marta majoritar-proporsional (aralash) tizim asosida o‘tkazilmoqda.

• Shavkat Mirziyoyev