Prezident Shavkat Mirziyoyev raisligida iqtisodiy o‘sish sur’atlarini ta’minlash yuzasidan birinchi yarim yillikda amalga oshirilgan ishlar va kelgusi vazifalarga bag‘ishlangan videoselektor yig‘ilishi davom etmoqda.

Mazkur yig‘ilishda jamoat transporti tizimidagi o‘zgarishlarni tizimli davom ettirish zarurligi ta’kidlandi.

Transport vazirligiga yil yakunigacha barcha viloyat markazlarida yo‘lovchi tashishni brutto-shartnoma asosida moliyalashtirishni joriy qilish topshirildi. Shuningdek, mingta avtobus olib kelish rejasini to‘liq bajarib, hududlarga yetkazish vazifasi qo‘yildi.

Jamoat transportida elektron to‘lov tizimini to‘liq joriy qilib, uni ommalashtirish Transport vazirligining ustuvor vazifalaridan biri bo‘lishi ta’kidlandi.

• Prezident
• Shavkat Mirziyoyev
• Transport vazirligi