31°
Kechasi 18°
17-may kuni O‘zbekiston Respublikasi Prezidentining Afg‘oniston bo‘yicha Maxsus vakili Ismatulla Irgashev Germaniya Federativ Respublikasining O‘zbekistondagi Favqulodda va Muxtor Elchisi Tilo Klinner bilan uchrashdi. Bu haqda Tashqi ishlar vazirligi matbuot xizmati xabar berdi.
Qayd etilishicha, suhbat chog‘ida Afg‘onistondagi mavjud vaziyat hamda Afg‘oniston yo‘nalishida O‘zbekiston-Germaniya munosabatlarini rivojlantirish istiqbollari muhokama qilindi.
Shuningdek, T.Klinner Afg‘oniston bo‘yicha yagona mintaqaviy pozitsiya ishlab chiqish, mamlakatda uzoq muddatli tinchlik va barqarorlik o‘rnatish, afg‘on xalqiga gumanitar yordam ko‘rsatish borasidagi O‘zbekistonning sa’y-harakatlarini yuqori baholadi.
Ta’kidlanishicha, tomonlar Afg‘onistonda amalga oshirilayotgan transport-kommunikatsiya loyihalari, xususan, “Mozori – Sharif – Kobul – Peshovar” temir yo‘l liniyasi qurilishini ham muhokama qildilar.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
