Rossiya Prezidenti Vladimir Putin “Valday” xalqaro munozara klubining yig‘ilishida chiqish qilib, Ukrainadagi mojaro sabablariga to‘xtaldi. Uning so‘zlariga ko‘ra, NATO ittifoqining Rossiya chegaralariga yaqinlashuvi harbiy ziddiyatni kuchaytirgan va urushning oldini olish imkoniyatlarini yo‘qqa chiqargan.

Putin Rossiya bundan oldin ikki marta NATOga a’zo bo‘lishga tayyorligini bildirganini, biroq har safar salbiy javob olganini eslatdi.

Shuningdek, u AQShning sobiq prezidenti Donald Trampning fikrlarini quvvatlab, agar Tramp hokimiyatda bo‘lganida, Ukrainadagi urushni bartaraf etish mumkin bo‘lganini ta’kidladi.

Putinning aytishicha, hozirgi urush uchun asosiy javobgarlik Yevropa davlatlari zimmasida. U Yevropaning harbiy kuchayishi Rossiya tomonidan diqqat bilan kuzatilayotganini va bunga tegishli javob choralari ko‘rilishini bildirdi.

“Kechiktirilmas harakatlar ko‘ramiz, chunki Yevropaning harbiylashuvi bizni xavotirga solmoqda”, — dedi Putin.

• AQSh
• Putin
• Rossiya
• Tramp