Isroil va Livan o‘rtasidagi sulh Oq uyda o‘tkazilgan muzokaralardan so‘ng yana uch haftaga uzaytirildi. Qaror AQSh vositachiligida erishilgan kelishuv asosida qabul qilingani xalqaro axborot manbalarida qayd etildi.

Bu haqda Donald Tramp ma’lum qilib, tomonlar o‘rtasida keskinlikni yumshatish va barqarorlikni saqlash maqsadida vaqtinchalik kelishuv uzaytirilganini bildirdi.

Ma’lumotlarga ko‘ra, Oq uyda o‘tkazilgan muzokaralarda AQSh rasmiylari ham ishtirok etgan. Vashington, shuningdek, Livanga "Hizbulloh"ga qarshi kurashda ko‘mak berishini ham bildirgan.

Shunga qaramay, mintaqadagi vaziyat hali ham to‘liq barqaror emasligini, ayrim hududlarda keskinlik saqlanib qolayotganini ta’kidlashmoqda. Muzokaralar davom ettirilishi va yakuniy kelishuvga erishish ustida ish olib borilayotgani qayd etilgan.

• AQSh