AQShda Donald Tramp ma’muriyati davrida Nikolas Maduro bilan bog‘liq operatsiya atrofida jiddiy mojaro yuzaga keldi. Ushbu operatsiyada qatnashgan harbiy — Gannon Ken Van Dyk maxfiy ma’lumotlardan shaxsiy manfaat uchun foydalanganlikda ayblanib hibsga olindi.

U prognoz platformasi — Polymarket orqali Venesuela prezidentining qo‘lga olinishi ehtimoliga oldindan pul tikkan. Van Dyk ushbu tikishlar orqali 33 ming dollarlik sarmoyani 400 ming dollardan ortiq daromadga aylantirgani aniqlangan.

Federal tergovchilar fikricha, u ichki, oshkor etilmagan hukumat ma’lumotlaridan foydalanib, noqonuniy foyda ko‘rgan. Keyinchalik esa izlarni yashirish maqsadida akkauntlarini o‘chirish va ma’lumotlarni o‘zgartirishga uringan.

Unga nisbatan maxfiy ma’lumotlardan noqonuniy foydalanish, firibgarlik hamda elektron jinoyatlar bo‘yicha ayblovlar qo‘yilgan. Mazkur ish prognoz bozorlarida insayderlik bilan bog‘liq ilk jinoiy ish sifatida baholanmoqda.

Venesuela prezidenti Nikolas Maduro 2026-yil boshida Karakasda AQSh kuchlari tomonidan qo‘lga olingan edi. Unga nisbatan narkoterrorizm va boshqa og‘ir jinoyatlar bo‘yicha sud jarayonlari davom etmoqda.

• AQSh