Rossiyaning Rimdagi elchisi Aleksiy Paramonov teleboshlovchi Vladimir Solovyovning Italiya Bosh vaziri Jorja Meloni haqidagi keskin va haqoratli bayonotlari ortidan Italiya Tashqi ishlar vazirligiga chaqirildi.

Italiya Tashqi ishlar vaziri Antonio Tajani ushbu bayonotlarni “o‘ta jiddiy va haqoratli” deb baholab, Rim hukumati nomidan rasmiy norozilik bildirdi. U, shuningdek, Bosh vazir Jorja Meloniga to‘liq qo‘llab-quvvatlash izhor qildi.

Italiya ommaviy axborot vositalari ma’lumotlariga ko‘ra, Vladimir Solovyov o‘z dasturlaridan birida Meloni haqida keskin iboralar ishlatib, uni siyosiy jihatdan tanqid qilgan hamda haqoratli so‘zlar bilan tilga olgan.

Italiya prezidenti Sercio Mattarella ham ushbu holat yuzasidan Bosh vazirga qo‘llab-quvvatlash maktubi yo‘llagan.

Mazkur voqea Rossiya va Italiya o‘rtasidagi diplomatik munosabatlarda keskinlikni yanada kuchaytirdi.