Prezident Vladimir Putin Ozarbayjon prezidenti Ilhom Aliyev bilan suhbat chog‘ida AZAL samolyoti bilan sodir bo‘lgan fojiali hodisa Rossiya havo hududida yuz bergani uchun uzr so‘radi. Bu haqda Kreml xabar berdi.

Davlat rahbarlari Rossiya tomonining tashabbusi bilan bo‘lib o‘tgan qo‘ng‘iroq chog‘ida vaziyatni muhokama qildi.

“Vladimir Putin fojiali voqea Rossiya havo hududida yuz bergani uchun uzr so‘radi va qurbonlarning oila a’zolariga yana bir bor chuqur va samimiy hamdardlik bildirdi hamda jarohatlanganlarning tezroq sog‘ayib ketishini tiladi”, — deyiladi Kreml xabarida.

Kremlning qayd etishicha, Ozarbayjon samolyoti Grozniy aeroportiga bir necha bor qo‘nishga uringan. “Bu vaqtda Grozniy, Mozdok va Vladikavkaz Ukraina jangovar uchuvchisiz uchish apparatlari tomonidan hujumga uchragan va Rossiya havo mudofaa tizimlari bu hujumlarni qaytargan”, — deyiladi xabarda.

• Ilhom Aliyev
• Ozarbayjon
• Putin
• Rossiya