Qozog‘iston prezidentining matbuot kotibi Ruslan Jeldibay Rossiya rahbari Vladimir Putin Qosim-Jo‘mart To‘qayevga Oliy Yevroosiyo iqtisodiy kengashi yig‘ilishida uzatgan qog‘ozda nima yozilganini ma’lum qildi. Bu haqda RIA Novosti xabar bermoqda.

Jeldibayning so‘zlariga ko‘ra, jurnalistlar e’tiborini tortgan notada Rossiya tomonining Qozog‘istondan yuk jo‘natuvchilarning Rossiya temir yo‘llari orqali ichki tariflar bo‘yicha tashishga kirishi haqidagi savolga javobi keltirilgan.

Matbuot kotibining so‘zlariga ko‘ra, Rossiya hukumati belgilangan manzili Qozog‘iston hududida bo‘lgan tovarlarga imtiyozli tarifdan foydalanish mumkin, deb hisoblaydi. Shu bilan birga, Rossiya hududidan tranzit o‘tayotgan tovarlarga eksport tariflari qo‘llanilishi kerak.

Avvalroq, Putin To‘qayev bilan telefon orqali muloqot qilgan va uni 70 yoshga to‘lishi bilan tabriklagan.

• Putin
• Qosim-Jo‘mart To‘qayev
• Qozog‘iston
• Rossiya