Agar siz kaloriya miqdorini nazorat qilmasangiz, har qanday mahsulot iste’moli ortiqcha vazn yig‘ishga sabab bo‘lishi mumkin. Boshqacha qilib aytganda, iste’mol qilgan mahsulotlar bergan kaloriyani sarflashga ulgurmaslik semizlikka olib keladi. Shu bilan birga, parhez samaradorligini oshirishga yordam beradigan mahsulotlar mavjud.

1. Qovurilgan baliq 

Baliq nafaqat go‘shtga qaraganda kamroq kaloriya, balki yurak va miya salomatligi uchun foydali bo‘lgan “omega-3” ko‘p to‘yinmagan kislotalarni o‘z ichiga oladi hamda vazn yo‘qotish uchun qulay gormonal muhit yaratadi.

Qovurilgan baliq iste’mol qilish qondan glyukozani tozalaydigan gormon – insulinga sezgirlikni oshirishi mumkin. Bu, o‘z navbatida, qo‘shimcha vazn olish, metabolik sindrom va energiya almashinuvi buzilishining xavfini kamaytiradi. 

Bundan tashqari, qizil ikra, seld balig‘i va sardalyalarni iste’mol qilish yallig‘lanishni kamaytiradigan va qorin bo‘shlig‘ida vazn yo‘qotishiga yordam beruvchi gormon – adiponektin darajasini oshiradi.

Ilmiy tadqiqotning meta-tahlili shuni ko‘rsatadiki, qovurilgan baliq qabul qilish xoh diyeta bilan, xoh dietasiz bel atrofidagi semirishni kamaytirishga yordam beradi.

Ba’zi go‘shtli ovqatlarni baliq bilan almashtirishga harakat qiling – va siz nafaqat dietaning kaloriya miqdorini kamaytirasiz, balki sog‘liq uchun qo‘shimcha foyda ham olasiz.

2. Chili qalampiri

Chili qalampiri tarkibida kapsaitsin mavjud bo‘lib, u ovqatdan keyin to‘yish hissini uzaytiradi. Shuningdek, u oziq-ovqat bilan bog‘liq termogenezni, ozuqa moddalarini hazm qilish va so‘rish uchun tananing energiya sarfini oshirishi mumkin.

Ikkita meta-tahlil natijasisha ko‘ra, tanaga kapsaisin qo‘shilishi 4-12 hafta ichida vazn yo‘qotishni ta’minlaydi va diyetasiz ham taxminan 0,5 kg yo‘qotishga yordam beradi.

Bundan tashqari, achchiq qalampir iste’moli qisqa muddatda semirish ehtimolini kamaytiradi.

Shunday qilib, agar siz achchiqni yoqtirsangiz, har qanday taomga chili qo‘shing. Albatta, ovqat hazm qilish tizimi bilan bog‘liq muammolarga olib kelmaslik uchun o‘rtacha miqdor tavsiya qilinadi.

3. Qora shokolad

Kamida 70 foiz kakao tarkibiga ega shokolad organizmdagi oksidlovchi stress va yallig‘lanish bilan kurashishga yordam beradigan antioksidantlar, tabiiy birikmalar ko‘pligi tufayli tavsiya etiladi.

Bundan tashqari, achchiq “plitka”lar tanamizning asosiy xarajati bo‘lgan dam olish uchun energiya sarfini oshirishi mumkin.

Kichik tajribada ayollar ikki guruhga bo‘lingan. Ba’zilariga kuniga 20 gramm qora shokolad, boshqalariga esa kaloriya bo‘yicha xuddi shunday miqdorda sutli shokolad berilgan. Ishtirokchilarning energiya sarfini o‘lchab, tadqiqotchilar yuqori foizli kakao bo‘lgan shirinlik dam olish uchun energiya sarfini 9,6 foizga oshiradi degan xulosaga kelgan.

Boshqa bir tadqiqotda, keksa ayollar ertalab yoki kechqurun 100 gramm shokolad iste’mol qilgan, qolgan vaqtda esa ular xohlagancha ovqatlangan.

Shokoladning yuqori kaloriyali tarkibiga (542 kkal) qaramay, ishtirokchilar tajribaning 28 kunida ortiqcha vaznga ega bo‘lishmadi. Ularning ishtahasi va shirinliklarga bo‘lgan ishtiyoqi kamaydi va kun davomida yog‘ to‘planishiga yordam beruvchi stress gormoni – kortizol kamayishi kuzatildi.

Qora shokoladni hatto past karbongidratli diyetada ham iste’mol qilish mumkin. Shunday qilib, bir tajribada odamlar tarkibida 81 foiz kakao bo‘lgan 42 gramm mahsulot iste’mol qilib, avvalgisiga qaraganda 10 foiz ko‘proq vazn yo‘qotgan. Bundan tashqari, tajriba tugaganidan keyin ham ularda qo‘shimcha vaznga ega bo‘lish holati kuzatilmagan.

4. Kivi

Kivi tarkibida olma, apelsin, banan, qulupnay va ko‘katlarga qaraganda “S”, “Ye”, “K” vitaminlari ko‘proq mavjud.

Kivi antioksidantlarning boy manbai sifatida tanani oksidlovchi stress va yallig‘lanishdan himoya qiladi, immunitetni qo‘llab-quvvatlaydi va vazn yo‘qotishga yordam beradi.

Tadqiqotlarning birida, “S” vitamini yetarli bo‘lgan odamlar jismoniy faollik paytida ushbu antioksidant etishmasligidan aziyat chekadiganlarga qaraganda 30 foiz ko‘proq yog‘dan qutulishadi.

Shirin va nordon meva sizga boshqa yo‘l bilan vazn yig‘ishga yordam beradi – uyquga ta’siri orqali. Tungi dam olishning yetarli darajada bo‘lmasligi vazn olish xavfini oshiradi, parhezlar samaradorligini pasaytiradi va qorindagi yog‘larning to‘planishiga hissa qo‘shadi. Biroq kivi vaziyatni to‘g‘irlashi mumkin.

Tadqiqotlar natijalari shuni ko‘rsatadiki, bir oy davomida yotishdan bir soat oldin ikkita meva iste’mol qilish uyqu davomiyligini 13,4 foizga oshiradi, uxlab qolish vaqtini qisqartiradi va tungi uyg‘onishlar sonini kamaytiradi.

5. Yogurt

Yogurt tarkibida taxminan 2,7 foiz sut oqsili, 15 foizdan kam yog‘ va ichak salomatligi uchun foydali bo‘lgan sut kislotasi bakteriyalari “Bifidobacterium lactis” va “Lactobacillus acidopxilus” mavjud.

Tadqiqotlarga ko‘ra, yogurtni ko‘proq iste’mol qilgan odamlarda tana massasi indeksi, bel atrofi va tanadagi yog‘ miqdori pastroq bo‘lib, vaqt o‘tishi bilan vaznni saqlashda yaxshi samara beradi. Bundan tashqari, ushbu mahsulot vazn yo‘qotish natijalarini yaxshilashi mumkin. 

Salomatligingizga e’tiborli bo‘ling. Chunki hayot bir marta beriladi.

• Parxez
• Taom\