Qarshi xalqaro aeroportida noqulay ob-havo (ko‘rishning yetarli darajada emasligi) sharoiti tufayli 5 noyabr kungi “HY070 Qarshi – Toshkent” yo‘nalishidagi qatnovi 6 noyabr soat 05:30 ga majburiy ko‘chirildi.

“Uzbekistan airways” aviakompaniyasining xabar berishicha, qatnov ekipaji soat 05:30 qadar ob-havo yaxshilanishini kutgan va ekipajni ish vaqti tugagani ma’lum bo‘lgan. Havo kemasi sardori qatnovni soat 12:00 ga ko‘chirishga qaror qilgan.

Qayd etilishicha, bugun, 6-noyabr kuni Qarshi – Toshkent yo‘nalishidagi HY-070 reysi belgilangan manzilga yetib borgan.

“Aviakompaniya uchun yo‘lovchilar xavfsizligi yuqori o‘rinda turadi. Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz”, – deyiladi “Uzbekistan Airways” AJ axborot xizmati xabarida.

• Qarshi
• Toshkent
• aviatsiya