Toşkent şahridagi avtobuslarda yöl haqini tölamasdan harakatlangan 22 929 nafar yölovçi kamida ikki marta ma’muriy javobgarlikka tortilgan. Bu haqda Toşkent şahar Transport boş boşqarmasi xabar berdi.

Ma’lum qilinişiça, 2025-yil oktabr oyidan 2026-yil 10-noyabrga qadar poytaxt avtobuslarida yöl haqini tölamaslik bilan boğliq jami 170 937 ta ma’muriy bayonnoma rasmiylaştirilgan.

Takroran jarimaga tortilgan yölovçilarning 17 327 nafari ikki marta, 4 033 nafari uç marta, 1 099 nafari tört marta javobgarlikka tortilgan. Şuningdek, 461 nafar yölovçi beş martadan töqqiz martagaça, yana 9 nafari esa ön va undan ortiq marta jarimaga tortilgan.

Transport boş boşqarmasi ma’lumotiga köra, yöl haqini tölamagan yölovçilarga Ma’muriy javobgarlik töğrisidagi kodeksning 144-moddasi 5-qismiga asosan jarima qöllaniladi. Har bir yangi huquqbuzarlik uçun alohida ma’muriy jarima belgilanişi mumkin.