Checheniston rahbari Ramzan Qodirov o‘zining Telegram-kanalida daniyalik o‘ta o‘ng qanot siyosatchisi Rasmus Paludan va Turkiyaning Stokgolmdagi elchixonasi oldida Qur’on yoqib yuborilgan mitingning boshqa ishtirokchilarini qattiq tanqid qildi.

“Shvetsiyaning Stokgolm shahrida Daniya Satanistlar partiyasining yetakchisi bo‘lgan ba’zi bir axmoqlar Turkiya elchixonasi oldida Qur’oni Karimni yoqib yubordi. Jahannamning bu avlodi Shvetsiyaning NATOga kirishiga qarshi ovoz bergan rasmiy Anqaraga shunday norozilik bildirdi”,–deb yozadi Qodirov.

U bu harakat nafaqat Stokgolm rasmiylari tomonidan ma’qullangani, balki “siyosiy kuchlar tomonidan boshlangan va pul to'langan”iga ishonch bildirdi.

“Aslida, faqat shayton egallab olgan, eng sovuqqon yovuzlargina muqaddas qadriyatlarga tajovuz qilishga qodir, ya’na buni norozilik belgisi deb atashadi. Xabar qilinishicha, bu harakat Stokgolm hukumati bilan kelishilgan, lekin men qat'iy ishonchim komilki, bu nopok harakat nafaqat ma'qullangan, balki siyosiy kuchlar tomonidan boshlangan va pul to'langan. Aks holda, bunday ochiq-oydin bo'ysunuvchi provokatsiya hech qachon ma'qullanmagan bo'lar edi”,– deb yozadi Checheniston rahbari Ramzan Qodirov o‘z Telegram kanalida.

• Ramzan Qodirov