Ijtimoiy tarmoqlarda “Qo‘qon avtomobil zapchast bozorida yong‘in bo‘lmoqda” sarlavhasi ostida video xabarlar tarqaldi. Favqulotda vaziyatlar vazirligi matbuot xizmati ushbu hodisa yuzasidan rasmiy munosabat bildirdi.

Qayd etilishicha, bugun, 3-yanvar kuni soat 12:26 da Farg‘ona viloyati Dang‘ara tumani Chodakli MFY Toshkent ko‘chasida joylashgan avtomobil ehtiyot qismlari sotishga mo‘ljallangan konteynerlarda yong‘in sodir bo‘lganligi to‘g‘risida tuman FV bo‘limiga xabar kelib tushgan.

Shunga ko‘ra 5 ta yong‘in-qutqaruv ekipaji soat 12:40 da voqea joyiga yetib borgan. Yong‘in soat 12:44 da qurshab olingan va soat 12:59 da bartaraf etilgan.

Yong‘in oqibatida 4 ta konteynerning taxminan 40 kv.m maydonda ichki qismi yonib zararlangan.

Hodisa oqibatida tan jarohati olgan va halok bo‘lganlar yo‘q

Hozirda yong‘inni kelib chiqish sababi va moddiy zarar miqdori aniqlanmoqda.

• Avtomobil
• Bozor
• FVV
• Qo'qon
• yong‘in