Bilimni baholash agentligi xabar berishicha, Qoraqalpog‘istonlik yoshlar uchun qo‘shimcha qabul kvotalari tasdiqlangan.

Qayd etilishicha, Prezident Farmonida qoraqalpog‘istonlik yoshlar uchun qo‘shimcha kvota ajratilishi belgilangan.

Mazkur Farmon ijrosi yuzasidan Davlat komissiyasining navbatdagi bayoni bilan qoraqalpog‘istonlik yoshlar uchun tumanlar kesimida tarmoq sohalari bo‘yicha oliy ma’lumotli kadrlarga bo‘lgan ehtiyojni inobatga olgan holda, bakalavriat ta’lim yo‘nalishlariga bazaviy to‘lov-kontrakt asosida 10 000 ta qo‘shimcha qabul parametri tasdiqlangan. 

Bunda ajratilgan qabul parametrlarining:

– Toshkent shahridagi OTM va bakalavriat ta’lim yo‘nalishlari kesimidagi taqsimoti;

– Qoraqalpog‘iston Respublikasidagi OTM va bakalavriat ta’lim yo‘nalishlari kesimidagi taqsimoti;

– viloyatlardagi OTM va bakalavriat ta’lim yo‘nalishlari kesimidagi taqsimoti tasdiqlandi.

– 10 000 ta qo‘shimcha qabul parametri – kirish imtihonlarida 56,7 ball va undan yuqori ball to‘plagan, lekin talabalikka tavsiya etilmagan abituriyentlar hisobidan shakllantirildi.

Qo‘shimcha qabul parametrlari doirasida talabalikka tavsiya etilgan qoraqalpog‘istonlik yoshlar tavsiya etilganlik holatini my.uzbmb.uz sayti orqali shaxsiy kabinetidan bilishlari mumkin.

Shuningdek, oliy ta’lim muassasalariga tanlov qaydnomalari yetkaziladi.

• Bilim va malakani baholash agentligi
• OTM
• Qoraqalpog‘iston