Qozog‘iston Respublikasi Raqamli rivojlanish, innovatsiyalar va aerokosmik sanoat vazirligi Xitoy bilan memorandum imzolaganini e’lon qildi. Unga ko‘ra, Qozog‘iston Oyda tadqiqot bazasiga ega bo‘ladi. Bu haqda “Казинформ” xabar berdi.

Qayd etilishicha, Qozog‘iston va xitoylik tadqiqotchilar kosmik texnologiyalar va ilm-fan sohasida hamkorlikda ilmiy tadqiqotlar olib borish, tajriba va bilim almashish niyatida. Shu bilan birga, Qozog‘istonda Xalqaro ilmiy Oy stansiyasini qurish loyihasi mahalliy oy teleskopini ishlab chiqish va ishga tushirishni o‘z ichiga oladi.

“Qozog‘istonning hissasi, shuningdek, ilmiy-texnik infratuzilmani mustahkamlash va xitoylik mutaxassislar bilan tajriba almashishni o‘z ichiga oladi”, – deya tushuntirdi Raqamli rivojlanish vazirligi.

Xitoy tomoni bilan memorandum 2024-yil iyul oyida imzolangan.