Qozog‘iston prezidenti Qosim-Jo‘mart To‘qayev va Xitoy rahbari Si Szinpin muzokaralari doirasida 23 ta hujjat imzolandi. Ular qatorida Qozog‘iston va Xitoy o‘rtasida viza talablaridan voz kechish to‘g‘risida kelishuv ham bor.

Qozog‘iston prezidenti matbuot xizmati xabariga ko‘ra, fuqarolik pasporti va qaytish guvohnomasi qozog‘istonliklar uchun haqiqiy sayohat hujjatlari bo‘ladi.

Xitoy fuqarolari uchun esa XXR fuqarosining yarim xizmat pasporti, XXR fuqarosining pasporti vaqtinchalik sayohat hujjati bo‘lib xizmat qiladi.

Muloqot chog‘ida savdo-iqtisodiy, neft-gaz, neft-kimyo, energetika, moliya, transport-tranzit, ta’lim va fan sohalarida har tomonlama hamkorlikni rivojlantirish masalalari ham muhokama qilingan. Shuningdek, xalqaro va mintaqaviy kun tartibidagi masalalar yuzasidan fikr almashildi.

Qozog‘iston Respublikasi Prezidenti Qosim-Jo‘mart To‘qayevning Xitoy Xalq Respublikasiga davlat tashrifi doirasida quyidagi hujjatlar ham imzolandi:

1. Qozog‘iston Respublikasi va Xitoy Xalq Respublikasi davlat rahbarlarining qo‘shma bayonoti;

2. Qozog‘iston Respublikasi hukumati va Xitoy Xalq Respublikasi hukumati o‘rtasida Transkaspiy xalqaro transport yo‘nalishini rivojlantirish bo‘yicha memorandum;

3. Qozog‘iston Respublikasi hukumati va Xitoy Xalq Respublikasi hukumati o‘rtasida texnik-iqtisodiy hamkorlik bo‘yicha o‘zaro anglashuv memorandumi;

4. Qozog‘iston Respublikasi hukumati va Xitoy Xalq Respublikasi hukumati o‘rtasida sanoatlashtirish va sarmoya kiritish sohasidagi hamkorlik rejasi;

5. Qozog‘iston Respublikasi Hukumati va Xitoy Xalq Respublikasi Hukumati o‘rtasida viza talablaridan o‘zaro ozod qilish to‘g‘risidagi bitim;

6. Qozog‘iston Respublikasi Hukumati va Xitoy Xalq Respublikasi Hukumati o‘rtasida xalqaro avtomobil tashuvlari to‘g‘risidagi bitim va hokazo.

• Qozog‘iston
• Xitoy