“Orda.kz” xabar berishicha, Qozog‘istonning Ostonda shahrida 12-oktyabr kuni yog‘gan qor ortidan bir sutkada 118 ta yo‘l-transport hodisasi sodir bo‘lgan.

Qayd etilishicha, poytaxt yo‘llaridagi YTH oqibatida 12 kishi jarohatlangan. Politsiya departamenti haydovchi va piyodalarni ob-havo sharoiti yomonlashganda ehtiyotkor bo‘lishga chaqirmoqda.

“Kazgidromet” prognoziga ko‘ra, siklon va u bilan bog‘liq frontal bo‘limlar Qozog‘iston hududining katta qismiga o‘z ta’sirini saqlab qoladi. Janub va janubi-sharqda 13-oktyabr kuni momaqaldiroq bilan yomg‘ir yog‘adi. Shimoliy hududlarda qor yog‘ishi, bo‘ron kuzatilishi va yer muzlashi kutilmoqda. Mamlakatning g‘arbida, aksincha, quruq ob-havo saqlanib qoladi.

• Qor
• Qozog‘iston