Qrim yarimorolining Jankoy shahrida dronlar hujumi oqibatida 5 kishi halok bo‘ldi. Bu haqda Qrim rahbari Sergey Aksyonov ma’lum qildi.

U qurbonlar yaqinlariga hamdardlik bildirib, jabrlanganlarga zarur yordam ko‘rsatilishini ta’kidladi.

Shuningdek, Sevastopol shahrida ham havo hujumiga qarshi choralar ko‘rilgan. Shahar gubernatori Mixail Razvojayevning aytishicha, Verxnesadovoye qishlog‘i va shaharning shimoliy qismida 4 ta dron urib tushirilgan.

Dastlabki ma’lumotlarga ko‘ra, Sevastopolda fuqarolik obyektlariga zarar yetmagan. Keyinchalik shaharda havo xavfi rejimi bekor qilingan.