2026-yilning birinchi choragida O‘zbekistonda neft, tabiiy gaz va ko‘mir qazib olish hajmlarida pasayish qayd etildi. Bu haqda Milliy statistika qo‘mitasi ma’lum qildi

Ma’lumotlarga ko‘ra, yanvar–mart oylarida tabiiy gaz qazib olish 9,6 mlrd kub metrni tashkil etib, o‘tgan yilning shu davriga nisbatan 15 foizga kamaygan. Neft ishlab chiqarish 157,3 ming tonnani tashkil etib, 2,2 foizga pasaygan. Gaz kondensati esa 18,3 foizga qisqarib, 242,3 ming tonnaga tushgan. 2024-yil bilan taqqoslaganda ham pasayish sezilarli: gaz qazib olish 17,2 foizga, neft 12,2 foizga, gaz kondensati esa 26 foizga kamaygan.

 Ijobiy ko‘rsatkichlar ham bor

Shu bilan birga, ayrim sohalarda o‘sish kuzatilgan. Avtomobil benzini ishlab chiqarish 2,9 foizga oshib, 313,2 ming tonnani tashkil etdi.

yoqilg‘isi ishlab chiqarish esa keskin — 54,3 foizga oshib, 280,9 ming tonnaga yetgan.

Elektr energiyasi ishlab chiqarish ham 4,7 foizga oshib, 22,93 mlrd kVt/soatni tashkil etdi

Portlandsement ishlab chiqarish ham 13,9 foizga ko‘payib, 4,1 mln tonnaga yetgan.