Musulmonlar uchun muqaddas kitob - Qur'onning Stokgolmda yoqib yuborilishi “satanizm”(shaytonizm)dir, Shvetsiya hukumati islomofobiyaning ushbu harakatiga qat'iy javob berishi va unda ishtirok etganlarni javobgarlikka tortishi kerak. Bu haqda Rossiya musulmonlari diniy boshqarmasi raisi o‘rinbosari muftiy Rushan Abbyasov ma’lum qildi.

“Rossiyadagi musulmonlar Shvetsiyada sodir boʻlgan yana bir shakkoklikdan qattiq gʻazabda. Muqaddas bitiklarni yoqish Yevropada tobora ko'proq namoyon bo'layotgan, o'zining ma'naviy asoslarini tezda yo'qotayotgan “satanizm”dan boshqa narsa emas. Biz Shvetsiya rasmiylarini islomofobiyaning ushbu aktiga keskin javob berishga va unda ishtirok etganlarni javobgarlikka tortishga chaqiramiz”, — dedi Abbyasov.

Uning ta'kidlashicha, shved radikallarining qilmishi ularning "aqliy zaifligi va ma'naviyatsizligidan" dalolat beradi.

“Ular oʻz nuqtai nazarini madaniyatli tarzda ifoda etish oʻrniga, butun dunyo musulmonlarining his-tuygʻularini ogʻritadigan shunday jirkanch ishga kirishdi”, — deya qoʻshimcha qildi Rossiya musulmonlari diniy boshqarmasi rahbari oʻrinbosari.

Hozirgacha, musulmonlar uchun muqaddas kitobning namoyishkorona yoqib yuborilishini Turkiya Tashqi ishlar vazirligi, Pokiston, Iordaniya, Saudiya Arabistoni va Quvayt tomonidan qoralandi.

• Islom
• Rossiya
• Shvetsiya