Rossiya prezidenti Vladimir Putin Ukrainaga qarshi urushda qishdan qurol sifatida foydalanishga harakat qilmoqda. Bu haqda NATO bosh kotibi Yens Stoltenberg Ruminiya prezidenti Klaus Yoxannis bilan Buxarestda o‘tkazgan qo‘shma matbuot anjumanida aytib o‘tdi.

Alyans rahbarining so‘zlariga ko‘ra, u Rossiya qo‘shinlarining Ukraina energetika infratuzilmasiga hujumlarini davom ettirishini kutmoqda.

“Uning qish arafasida shunday qilayotgani hozirda prezident Putin qishdan Ukrainaga qarshi urush quroli sifatida foydalanishga urinayotganidan dalolat beradi”, deb tushuntirdi u.

NATO Bosh kotibining aytishicha, Ukraina bilan urushda Rossiyaning g‘alaba qozonishiga yo‘l qo‘yib bo‘lmaydi.

“Biz Putinning g‘alaba qozonishiga yo‘l qo‘ya olmaymiz. Bu kuch yordamida maqsadlarga erishish mumkinligidan dalolat beradi”, - deya ogohlantirdi Stoltenberg.

• NATO
• Qish mavsumi
• Rossiya