78.ru nashrining xabar berishicha, Leningrad viloyati Kingisepp tumanidagi avtobusda pichoqlangan 32 yoshli o‘zbekistonlik erkak o‘lik holda topilgan.

Mazkur hodisa Pulkovo qishlog‘i yaqinida sodir bo‘lgan. Ikki erkak avtobusda mushtlashgan. Ulardan biri ikkinchisining (O‘zbekiston fuqarosi) yuragiga pichoq sanchgan. Oqibatda o‘zbekistonlik erkak olgan tan jarohatidan vafot etgan.

19-iyul kuni ertalab politsiya xodimlari avtobus salonida pichoqbozlik bo‘lganidan xabar topgan. Bir necha soatdan so‘ng Katta Kuzemkino qishlog‘idagi vaqtinchalik turar joy shaharchasi hududida jinoyatda ayblangan erkak qo‘lga olingan.

Ma’lum bo‘lishicha, u yanvar oyida Sankt-Peterburgga kelgan, darhol migratsiya ro‘yxatidan o‘tgan va ishlashni rejalashtirgan.

Huquq-tartibot idoralari tomonidan Rossiya Jinoyat kodeksining 105-moddasi (qotillik) bilan jinoyat ishi qo‘zg‘atilgan. Hibsga olingan shaxs so‘roq qilinib, vaqtincha saqlash hibsxonasiga jo‘natilgan.

• Avtobus
• Rossiya