2021-yilda Rossiyada xorijlik haydovchilar tomonidan sodir etilgan yo‘l-transport hodisalarining asosiy qismi O‘zbekiston, Qirg‘iziston va Tojikiston fuqarolari aybi bilan sodir bo‘lgan. Bu haqda Rossiya IIV Yo‘l harakati xavfsizligi ilmiy markazining axborot tahlilida ma’lum qilingan.

Qayd etilishicha, O‘zbekiston fuqarolarining aybi bilan 1 290 ta, Qirg‘iziston fuqarolarining aybi bilan 1 092 ta va tojikistonliklar aybi bilan 894 ta yo‘l-transport hodisalari sodir bo‘lgan.

Shuningdek, armanistonliklar 417 ta YTH va ozarboyjonlik haydovchilar 346 ta YTH sodir etgan. 

Bundan tashqari, og‘ir asoratga olib keluvchi YTHlarni MDH davlatlari fuqarolari orasida ko‘proq qozog‘istonlik va Belaruslik haydovchilar sodir etganiligi keltirilgan.

• Rossiya
• YTH
• o‘zbek