Ruminiya Gʻazo sektoriga oziq-ovqat va koʻrpa-toʻshak koʻrinishidagi insonparvarlik yordami yuboradi. Bu haqda hukumat saytida xabar berildi.

“Yaqin sharqdagi xavfsizlik vaziyatini, G‘azo sektoridagi gumanitar inqirozni ham hisobga olib, Ruminiya davlati jabrlangan tinch aholini qo‘llab-quvvatlash uchun doimiy monitoring choralarini ko‘rdi. Qarorga ko‘ra, fuqarolarga bepul xalqaro yordam ko‘rsatiladi. G‘azo sektoridagi tinch aholi jabr ko‘rdi”, deyiladi xabarda.

G‘azo sektorida qurbonlar soni 3785 kishiga yetdi, ulardan 1524 nafari bolalar va 1000 nafari ayollar, deb xabar berdi G‘azo Sog‘liqni saqlash vazirligi. Isroilda, mahalliy hokimiyat ma’lumotlariga ko‘ra, 1300 dan ortiq odam halok bo‘lgan. 

Turli manbalarga ko‘ra, XAMAS 150 ga yaqin isroillikni asirda ushlab turishi mumkin. Harakatning o‘zi G‘azo sektorida 200-250 ga yaqin mahbus borligini ma’lum qilgan.

• Falastin
• Isroil
• Ruminiya