Bu haqda Vashington va Panama o‘rtasida “yuqori mansabdor shaxslar” tomonidan imzolangan yangi kelishuvda qayd etilgan. Hujjat tafsilotlarini esa AFP agentligi keltirgan.

Kelishuv AQSh harbiy xizmatchilariga panamalik askarlarni o‘qitish, mashqlar o‘tkazish va boshqa bir qator tadbirlar uchun Panama nazoratidagi obyektlarda joylashishga ruxsat beradi, biroq Qo‘shma Shtatlar hududda yangi harbiy obyektlar qura olmaydi.

“Shunday bo‘lsa-da, ushbu kelishuv Vashingtonga o‘n yillar oldin Qo‘shma Shtatlar Panama kanaliga egalik qilgan davrda qurilgan harbiy bazalarga noma’lum miqdordagi askarlarni joylashtirish huquqini beradi”, – deb yozadi AFP.

Agentlik buni AQSh prezidenti Donald Trampga Vashingtonning dengiz yo‘lidagi ta’sirini tiklash yo‘lidagi “katta yon berish” deya baholamoqda.

• AQSh
• Harbiy xizmatchilar
• Kanal
• Tramp