Janubiy Koreyada 2 nafar boshlang‘ich sinf o‘quvchisini aldab, o‘z mashinaga o‘tqazib, jinsiy tajovuz qilgani aytilgan O‘zbekiston fuqarosi hibsga olindi. Bu haqda Donga xabar berdi.

Ma’lum qilinishicha, mazkur shaxs joriy yilning 8-aprel kuni ertalab soat 8:40 atrofida Inchxonning Yonsu shahridagi boshlang‘ich maktabning ikki nafar boshlang‘ich sinf o‘quvchisi ( o‘g‘il va qiz)ni  mashinasiga o‘tqazib, ularga jinsiy tajovuz qilgan.

Aniqlanishicha, gumonlanuvchi yo‘l ko‘rsatishlarini aytib, o‘quvchilarni aldagan. O‘quvchilar avtomashinadan tushib, maktabga borgan va bu haqda o‘qituvchisiga xabar bergan. Shundan so‘ng politsiya gumonlanuvchining shaxsini aniqlagan va uni shoshilinch ravishda hibsga olgan. Hozirda tergov ishlari davom etmoqda.

Janubiy Koreya Jinoyat kodeksiga ko‘ra, jinsiy zo‘ravonlik uchun 3 yildan umrbodgacha qamoq jazosi berilishi mumkin. Agar jabrlanuvchi 13 yoshdan kichik bola bo‘lsa, minimal jazo muddati 10 yilni tashkil etadi.

• Janubiy Koreya
• Jinoyat
• O‘zbekistonlik
• zo‘ravonlik