Joriy yil 29-dekabr kuni O‘zbekiston telekommunikatsiya tarmoqlarini boshqarish respublika markazi rahbari Ulug‘bek Shokirov va “SAMSUNG Elestroniss SO. LTD” korporatsiyasining telekommunikatsiya bo‘limi biznes menejeri Kim Yun Vu o‘rtasida uchrashuv bo‘lib o‘tdi. Unda kelgusidagi hamkorlik istiqbollari muhokama qilindi.

Jumladan, yig‘ilishda O‘zbekistonga mobil qurilmalarni rasmiy ravishda olib kirish va ularning hisobini yuritish bo‘yicha maʼlumotlar almashinuvini yo‘lga qo‘yish, sertifikatsiz tovarlar yetkazib berishni aniqlash va oldini olish uchun tomonlarning istiqbolli hamkorligini rivojlantirish, mobil qurilmalarni yetkazib berish hajmi bo‘yicha statistik maʼlumotlar almashinuvini yo‘lga qo‘yish lozimligi belgilab olindi.

Shuningdek, yig‘ilish ishtirokchilari “SAMSUNG Elestroniss SO. LTD” kompaniyasining rasmiy dilerlik shoxobchalari sonini oshirishga kelishib olishdi. 

Yig‘ilish so‘ngida tomonlar samarali hamkorlikni mamnuniyat bilan qayd etdilar. Ikki taraflama va mintaqaviy hamkorlikni yana-da rivojlantirish, erishilgan kelishuvlarning amaliy ijrosini taʼminlash tarafdori ekanliklarini taʼkidlab o‘tishdi. 

• Samsung