“Mamlakatimiz Bosh konsulxonasi ko‘magida Rossiyaning Sankt-Peterburg shahrida ota-ona qaramog‘isiz qolgan olti nafar voyaga yetmagan vatandoshlarimiz O‘zbekistonga olib kelindi”, – deb xabar qilmoqda “Dunyo” axborot agentligi.

O‘zbekistondan borgan ishchi guruh 10 kun davomida barcha kerakli hujjatlarni yiqqan. Ota-ona qaramog‘isiz qolgan bolalar Sankt-Peterburgdagi voyaga yetmaganlar uchun ijtimoiy reabilitatsiya markazlari va bolalar uchun “Tranzit” ijtimoiy boshpanasiga yetkazilgan.

Voyaga yetmagan bolalardan biri uch yildan beri onasidan ayro tarzda, otasi bilan yashab kelgan. Otasi uni onasidan noqonuniy ravishda olib qo‘ygan. Bolaning oilasi uning hayoti va sog‘lig‘iga tahdid soladigan ijtimoiy noqulay muhitni boshdan kechirgan.

Bosh konsulxona xodimlari va mutasaddi tashkilotlar xodimlari bolaning yashash joyida bo‘lib, voyaga yetmagan o‘zbekistonliklarni vatanga qaytarish choralarini ko‘rishgan.

O‘zbekiston Bosh konsulxona tomonidan Rossiya hududlarida qarovsiz qolgan olti nafar bolaning vatanga qaytishi uchun tegishli guvohnomalar rasmiylashtirilib, Sankt-Peterburg-Toshkent aviareysi bilan O‘zbekistonga kuzatib qo‘yilgan.

• Bolalar
• O‘zbekistonlik
• Sankt-Peterburg