Sirdaryo viloyatining Sardoba tumanida hojatxonadan 3 kishining jasadi topildi. Sirdaryo viloyati prokuraturasi hodisa yuzasidan rasmiy ma’lumot berdi.

Ma’lum bo‘lishicha, joriy yilning 27-aprel kuni Sardoba tumani, “Fayzliobod” mahallasida yashovchi fuqarolar M.A., A.A. hamda A.K.lar yashash xonadonining hojatxonasiga hech qanday ehtiyotkorlik choralarini ko‘rmasdan tushib, baxtsiz hodisa tufayli vafot etgan.

Mazkur holat yuzasidan Sirdaryo viloyati prokurori S.Imatov rahbarligida tuman prokurori A.Uralov, tuman IIB boshlig‘i A.Mo‘minov, tuman prokuraturasi tergovchisi Sh.Norbo‘tayev va tuman IIBning tezkor xodimlari tomonidan voqea joyi ko‘zdan kechirilib, tegishli tartibda bayonnomalar rasmiylashtirilgan.

Hozirda ushbu holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.

• Baxtsiz hodisa
• Sirdaryo