Kecha Tojikistonning So‘g‘d viloyati qishloqlaridan birida kuchli yog‘ingarchilik ortidan yuzaga kelgan sel oqiziqlari tufayli 58 yoshli ayol halok bo‘lgan. Bu haqda Respublika Favqulodda vaziyatlar va fuqarolik mudofaasi qo‘mitasi ma’lumot berdi.

Unga ko‘ra, 2024-yil 13-iyul kuni soat 17:15 da kuchli yomg‘ir natijasida Sug‘d viloyati Aynskiy tumani Dar-Dar QFY Iskodar qishlog‘i hududida sel oqimi yuzaga kelgan.

“Sel oqibatida ushbu qishloqda yashovchi 58 yoshli fuqaro halok bo‘ldi. Voqea joyida viloyat Favqulodda vaziyatlar komissiyasi ish olib bormoqda. Tabiiy ofat oqibatlaridan yetkazilgan zarar aniqlanadi. Tabiiy ofat oqibatlarini bartaraf etish ishlari boshlandi”, – deyiladi xabarda.

Shuningdek, joriy yilning 15-iyuliga qadar mahalliy sel oqimlari, koʻchkilar, daryo va suv omborlarida suv sathining koʻtarilishi ehtimoli saqlanib qolganligi ma’lum qilindi.

• Sel
• Tojikiston