Toshkent shahar transport boshqarmasi xabariga ko‘ra, 2025-yil 2–15-oktyabr kunlari Sergeli tumanidagi Qumariq ko‘chasida issiqlik quvurlarini yangilash ishlari olib boriladi. Shu sababli ko‘cha vaqtincha yopildi. Avtobus yo‘nalishlarida quyidagi o‘zgarishlar bo‘ladi:

61-avtobus: A.S. Banokatiy – G. Aliev – Temiryo‘lchilar – Kichik halqa yo‘li – Bobur ko‘chalari orqali harakatlanadi.

106-avtobus: Sariko‘l – Kichik halqa yo‘li – Bobur ko‘chalari orqali yuradi.

40-avtobus: Bobur – Kichik halqa yo‘li – Turkiston ko‘chasi – Toshkent vokzali – Temiryo‘lchilar – A.S. Banokatiy orqali RЭT zavodigacha.

66-avtobus: Qumariq – Bobur – Kichik halqa yo‘li – Turkiston – Toshkent vokzali – Mehrjon – 8-Mart – Eski Sariko‘l – Yangi Zamon – Sariko‘l – A.S. Banokatiy orqali RЭT zavodigacha.

52-avtobus: Faqat Lokomotiv ko‘chasi va Toshkent vokzali oralig‘ida qatnaydi.

Yo‘lovchilarga ushbu vaqtinchalik o‘zgarishlarni inobatga olib, safarlarini oldindan rejalashtirish tavsiya etiladi. Ta’mirlash ishlari sabab tirbandliklar yuzaga kelishi mumkin. Shuning uchun ba’zi yo‘nalishlarga yana o‘zgarishlar kiritilishi ehtimoldan xoli emas.

• Tirbandlik
• Toshkent
• Yo'llar