Bugun, 13-may kuni Shanxay hamkorlik tashkiloti Bosh kotibi Chjan Min Toshkentga keldi. Bu haqda Tashqi ishlar vazirligi matbuot xizmati xabar berdi.
Qayd etilishicha, Toshkent xalqaro aeroportida yuqori martabali mehmonni O‘zbekiston Respublikasi Tashqi ishlar vaziri o‘rinbosari Furqat Siddiqov kutib oldi.
Ta’kidlanishicha, Chjan Minning mamlakatimizga tashrifi mobaynida O‘zbekistonning ShHTga raisligi doirasidagi tadbirlarga tayyorgarlik ko‘rish va o‘tkazish bilan bog‘liq masalalarni muhokama qilish rejalashtirilgan.
Eslatib o‘tamiz, avvalroq ShHT Bosh kotibining O‘zbekistonga tashrif buyurishi haqida xabar berilgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!