XXR raisi Si Szinpin Sian shahrida bo‘lib o‘tgan sammitda Xitoy va Markaziy Osiyo davlatlari “rangli inqiloblar”ni qo‘zg‘atishga bo‘lgan tashqi urinishlarga qarshilik ko‘rsatish, terrorizm va separatizmga mutlaqo toqat qilmaslik kerakligi haqida gapirdi. Bu haqda Xinxua axborot agentligi xabar bermoqda.

Uning fikricha, Xitoy va Markaziy Osiyoning beshta davlati Global xavfsizlik tashabbusini birgalikda amalga oshirishi kerak.

“Sammitda qatnashayotgan olti mamlakat mintaqa davlatlarining ichki ishlariga tashqi aralashuvga, shuningdek, “rangli inqiloblar”ni qo‘zg‘atishga urinishlarga qat’iy qarshilik ko‘rsatishi, terrorizm, separatizm va ekstremizmga nisbatan murosasiz munosabatda bo‘lishi kerak”, – deyiladi bayonotda.

Qayd etish mumkin, “Xitoy – Markaziy Osiyo sammiti 18-19-may kunlari bo‘lib o‘tadi. Unda Si Szinpin, shuningdek, O‘zbekiston prezidenti Shavkat Mirziyoyev, Qozog‘iston prezidenti Qosim-Jo‘mart To‘qayev, Qirg‘iziston prezidenti Sadir Japarov, Tojikiston prezidenti Emomali Rahmon va Turkmaniston prezidenti Serdar Berdimuhamedov ishtirok etmoqda.

• O‘zbekiston
• Xitoy
• sammit