31°
Kechasi 18°
Somali Aloqa va texnologiyalar vazirligi TikTok, Telegram ijtimoiy media platformalari va qimorga asoslangan 1XBET sayti faoliyatini taqiqlashga qaror qildi.
Vazirlik tomonidan uyushtirilgan “Aloqa, internet va ijtimoiy media xavfsizligi konferensiyasi”dan so‘ng qabul qilingan qaror doirasida mamlakatda Tiktok, Telegram va 1XBETni taqiqlash buyurildi.
"Konferensiyada Somali yoshlari hayotiga salbiy ta’sir ko‘rsatadigan va hatto o‘limga olib keladigan Tiktok, Telegram va 1XBET platformalarini yopish muhim ekanligiga qaror qilindi", – deyiladi Vazirlik tomonidan qilingan bayonotda.
Bayonotda, shuningdek, yoshlar va ayollar ko‘p bo‘lgan ushbu platformalar "axloqsiz holatlar ko‘rsatayotgani" ta’kidlandi.
"Milliy elektr aloqasi to‘g‘risidagi qonunning 64 va 65-moddalarini amalga oshirish maqsadida Aloqa va texnologiyalar vazirligi Somali jamiyatining turmush tarziga ta’sir ko‘rsatadigan aloqa va internet vositalaridan foydalanganda axloqiy xulq-atvorini himoya qilish bo‘yicha ish olib bormoqda", – deyiladi vazirlik bayonotining xulosasida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
