“Boeing” kompaniyasi tomonidan ishlab chiqilgan “Starliner” kosmik kemasi “Atlas V” raketa tashuvchisi bilan Xalqaro kosmik stansiya tomon yoʻl oldi. Parvoz AQShning Florida shtatidagi Kanaveral burnida joylashgan kosmodromdan amalga oshirilgan.
Kosmik kema bortiga 360 kilogramm ogʻirlikdagi foydali yuk ortilgan. Mutaxassislarning aytishlaricha, kema roppa-rosa bir sutkadan keyin avtonom rejimda XKSga birlashadi. Kema komandiri oʻrnini “Rozi Roketir” ismli odamsimon qurilma egallaydi. Ushbu qurilma kelgusida astronavtlar tomonidan tekshiriladi.
Kema XKSga birlashganidan keyin 5-10 kun davomida orbitada boʻladi, soʻng 270 kilogramm yuk bilan Yerga qaytadi. Missiya muvaffaqiyatli yakunlanadigan boʻlsa, “Starliner” kemasi “SpaceX” kompaniyasiga tegishli kosmik kemalar bilan navbatma-navbat ravishda XKSga astronavtlarni tashiydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!