Massachusets texnologiya instituti olimlari sunʼiy intellekt (SI) qanday qilib odamlarni aldashi mumkinligini o‘rganishdi.

Aniqlanishicha, hatto boshdan “halollik”ka dasturlangan tizim ham, o‘z maqsadiga erishish uchun, aldashi mumkin ekan.

Olimlar sunʼiy intellektning aldash qobiliyati takomillashishi jiddiy oqibatlarga olib kelishidan xavotirlanishmoqda. Masalan, firibgarlar boshqalarni chuv tushirish uchun yana-da yangicha usullarni o‘ylab topishda sunʼiy intellektdan foydalanishlari mumkin, saylovlar esa manipulyatsiya xavfi ostida qoladi.

Tadqiqotchilar Meta kompaniyasining sunʼiy intellekt tizimini namuna sifatida keltirishdi. Bu sunʼiy intellektdan qatnashchilar (o‘yinchilar) dunyoni egallash uchun ittifoq tuzishi talab etiladigan “Diplomatiya” strategik o‘yinida foydalanib ko‘rildi. Meta mutaxassislari “halol va foydali” ittifoqchi bo‘lishiga ishontirishgandi, amalda esa bu sunʼiy intellekt boshqa qatnashchilarni mohirlik bilan aldashni o‘rganib oldi.

Bunday misollar boshqa sohalarda ham ko‘p uchramoqda.

Olimlar dunyodagi hukumatlarni sunʼiy intellektni nazorat qiladigan qatʼiy qoidalarni imkon qadar tezroq ishlab chiqarishga chorlashmoqda.

• Meta
• sun’iy intellekt