Suriya Tashqi ishlar vaziri As’ad ash-Shayboniy yangi Suriyaning fuqarolari etnik yoki diniy tarkibidan qat’i nazar teng huquqli bo‘lishlarini ta’kidladi. “Biz adolatsizlik va zulm sahifasini yopamiz. Har bir surgun qilingan kishi o‘z yurtiga xotirjam qaytishi mumkin”, – degan vazir.

“Bizning maqsadimiz barcha fuqarolarning huquq va manfaatlarini himoya qilishdir. Suriya mintaqadagi asosiy o‘yinchi bo‘lish uchun mintaqaviy va xalqaro roliga qaytadi”, – deya qo‘shimcha qilgan u.

Shuningdek, As’ad ash-Shayboniy urush paytida sodir etilgan shafqatsizliklardan qayg‘uda ekanligini bildirgan.

“Odamlarning o‘limi aks etgan fotosuratlar bizni hayratda qoldirdi. Biz adolatni istaymiz va aybdorlarni qonuniy tartibda javobgarlikka tortamiz”, – deya ta’kidlagan u jinoyatchilar jazolanishiga ishontirib.

Vazirning ta’kidlashicha, Suriyaning yangi hukumati halok bo‘lgan shahidlar xotirasiga sodiq qoladi. Mahbuslar va qiynoq ostida halok bo‘lganlarning vasiyatlarini hurmat qiladi.

• Suriya
• Tashqi ishlar vazirligi