Tojikiston fuqarolariga vaqtincha Rossiyaga bormaslik tavsiya etiladi. Bu haqda respublikaning Moskvadagi elchixonasi xabar berdi.

Qayd etilishicha, mazkur tavsiyalar Rossiyaning mamlakat hududiga kiruvchi xorijliklar ustidan nazoratni kuchaytirishi bilan bog‘liq.

So‘nggi paytlarda Rossiyada xorijliklarning mamlakatga kirishini nazorat qilish bilan bog‘liq bir qator qonun loyihalari taklif qilinmoqda.

Xususan, Rossiya Raqamli rivojlanish vazirligi 1-dekabrdan davlat hududiga kiruvchi migrantlarning biometrik ma’lumotlarini olishni boshlashni taklif qilgan.

Shuningdek, Rossiya Davlat Dumasining kengaytirilgan yig‘ilishida parlament quyi palatasi raisi Vyacheslav Volodin mamlakatga kiruvchi past malakali migrantlar oilalarini kirishini taqiqlash kerakligini ma’lum qilgandi.

• Tojikiston