Bugungi kunda dunyo miqyosida giyohvandlik vositalarining noqonuniy aylanishi transmilliy jinoyatchilikning eng xavflio‘rinishlaridan biri sifatida baholanmoqda.

Shu bois mamlakatimizda bu turdagi jinoyatlarga qarshi huquqni muhofaza qiluvchi organlar tomonidan qat’iy choralar ko‘rilmoqda.

Ma’lum qilinishicha, Samarqand shahrida yashovchi 2001 va 2002-yillarda tug‘ilgan ikki nafar shaxs qo‘shni respublikadan kontrabanda yo‘li bilan olib kirilgan 5 kg 160 gramm “opiy” moddasi bilan Toshkent viloyatining Bo‘ka tumanida qo‘lga olingan.

Tezkor tadbir Davlat xavfsizlik xizmati hamda bojxona organlari xodimlari tomonidan amalga oshirilgan.

Holat yuzasidan jinoyat ishi qo‘zg‘atilib, gumonlanuvchilarga nisbatan “qamoq” ehtiyot chorasi qo‘llanildi. Tergov harakatlari davom etmoqda.