Toshkentda narkograffiti chizgan qizga nisbatan ma’muriy jazo qo‘llanilgan va 540 ming so‘m miqdoridagi jarima yozilgan.

Joriy yilning 25-noyabrida Uchtepa tumani sudi 31 yashar Kristina Zeynalova ishini ko‘rib chiqdi. U Uchtepa tumani uylari devoriga narkotik va psixotrop moddalar savdosi bilan shug‘ullanadigan saytlarga havola ko‘rsatuvchi graffitilar chizgan. Qizning aytishiga ko‘ra, ishni unga Internetda taklif qilishgan.

Qiz graffiti chizayotgan chog‘ida tutilgan. Birinchi marta qiz ogohlantirish olgan va uni graffitini bo‘yashga majbur qilishgan. Ammo bir necha kun o‘tib huquq-tartibot xodimlari qizning yana graffiti chizayotgani ustidan chiqib qolishgan. Shundan so‘ng qiz ishi sudga oshirilgan.

Zeynalova Ma’muriy javobgarlik kodeksining 194 modda birinchi qismi bo‘yicha (militsiya xodimining qonuniy talabini bajarmaslik) javobgarlikka tortilgan.

• Jinoyat
• Sud
• Toshkent