Toshkent shahar hokimi Jahongir Ortiqxo‘jayev Seul ko‘chasi – Bunyodkor ko‘chalari kesishmasidagi Oqtepa kanali ustidan o‘tuvchi ko‘prikni kengaytirish bo‘yicha rekonstruksiya qilish ishlarini amalga oshirish to‘g‘risidagi qarorni imzoladi.
Qayd etilishicha, mazkur qaror aholiga qulayliklar yaratish hamda shahar yo‘llarida tirbandlikni kamaytirish maqsadida qabul qilingan.
Qarorga muvofiq, Chilonzor tumani Seul ko‘chasi – Bunyodkor ko‘chalari kesishmasidagi Oqtepa kanali ustidan o‘tuvchi ko‘prikni kengaytirish bo‘yicha rekonstruksiya qilish ishlari olib boriladi va buning uchun 7 mlrd. 30 mln. so‘m mablag‘ ajratiladi.
Obyektda rekonstruksiya qilish ishlarini olib borish bo‘yicha buyurtmachi esa Toshkent shahar hokimligi “Yagona buyurtmachi xizmati” injiniring kompaniyasi bo‘ladi. Buyurtmachi mazkur ob’yektda rekonstruksiya qilish ishlari bo‘yicha bosh loyihachi va pudrat tashkilotini o‘rnatilgan tartibda aniqlaydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!