O‘rta yer dengizining iqlimi, tabiiy va tarixiy diqqatga sazovor joylari Alaniyani mashhur sayyohlik maskaniga aylantirdi. Alaniya oilaviy dam olish istagidagilar uchun ayni muddao! Chunki keng plyajlar, bolalar uchun turfa xil o‘yinlar va boy madaniy merosi bilan u barcha yoshdagi oila a’zolari uchun ko‘ngilochar va orombaxsh ta’tilni va’da qiladi.

Turar joy
Alaniyada oilalar uchun turli xil turar joylar mavjud. Ko‘pgina mehmonxonalar oila uchun qulayliklarni taklif qiladi. Bolalarning vaqtini chog‘ va mazmunli o‘tkazish uchun bolalar klublari, suv slaydlari, o‘yin maydonchalari mavjud bo‘lib, ularga xursandchilik bag‘ishlash maqsadida animatsion shou kabi tadbirlar tashkil etiladi. Bundan tashqari, alohida dachalar va ijaraga olingan villalar katta oilalarning har turdagi ehtiyojlarini qondira oladigan ideal turar joy variantidir.

Plyajlar va dengiz
Alaniya plyajlari oilalar uchun qulayligi bilan ajralib turadi. Kleopatra plyaji mayin qumi va sayoz dengizi bilan bolalar uchun xavfsiz suzish maydonini ta’minlaydi. Ushbu plyajlarda suv sporti, plyaj o‘yinlari va oilaviy qatnashish mumkin bo‘lgan ko‘plab mashg‘ulotlar mavjud.

Qiziqarli tadbirlar
Alaniya oilaviy mukammal ta’til uchun eng munosib tanlov desak aslo mubolag‘a bo‘lmaydi! Alaniyada oilaviy yoqimli lahzalar va tassurotlar taqdim etadigan qiziqarli tadbirlar tashkil etiladi. Alaniya akvaparki bolalar va kattalar kun bo‘yi dam olishlari mumkin bo‘lgan suv slaydlari va hovuzlarga boy. Bundan tashqari, Damlatash g‘ori tabiiy go‘zalliklarga oshno bo‘lgan oilalar uchun ideal ekskursiya joyidir. Alaniyadagi mashhur teleferik Alaniya qal’asiga chiqish, hayratlanarli manzarani tomosha qilish va tarixiy qal’ani yaqindan o‘rganish imkonini beradi.

Tabiatga sayohatlar
Alaniyaning tabiiy go‘zalliklarini kashf qilish uchun Dimchayida sayr qilishi yoki Toros tog‘larida jip safariga qo‘shilish mumkin. Dim g‘ori va Alara sharsharasi kabi tabiiy mo‘jizalar tabiat ixlosmandlari uchun ayni muddaodir. Shuningdek, Alaniya atrofidagi platolarda tabiat qo‘ynida sayr qilish va salqin tog‘ havosidan bahramand bo‘lish mumkin.

• Turizm
• Turkiya
• sayohat