Ukraina fuqarolik va muhim infratuzilmasiga yetkazilgan zarar 127 milliard dollardan oshdi. Bu haqda Ukraina tashqi ishlar vazirining birinchi o‘rinbosari Emine Japarova kecha, 13-yanvar kuni aytib o‘tdi.

“Bizda mavjud boʻlgan soʻnggi hisob-kitoblarga koʻra, Ukrainaning fuqarolik va muhim infratuzilmasiga yetkazilgan zararning umumiy miqdori 127 milliard dollardan oshadi”, deydi u BMT Xavfsizlik kengashining Ukraina boʻyicha yigʻilishidagi chiqishida.

Djaparovaning qoʻshimcha qilishicha, Ukrainaning tiklanishi “Yevropadagi eng yirik sarmoyaviy loyihalardan biri boʻladi”.

“Ukraina Yevropadagi eng yirik qurilish maydonchasiga aylandi, bu xalqaro hamkorlarga muhandislik, qurilish va texnologiyalar transferi sohasidagi ilg‘or tajribalardan foydalanish uchun keng imkoniyatlar yaratadi”, dedi u.

• TIV
• Ukraina