Ilon Mask yashirincha yangi saroy qidirmoqda, buni tadbirkorning o‘zi inkor etgan. Ma’lum qilinishicha, SpaceX va Tesla asoschisi Ilon Mask o‘z uylarini sotuvga qo‘yganidan keyin yashirincha yangi uy qidira boshlaganini inkor qilgan. Tadbirkor gazetadagi maqola yolg‘on ekanini da’vo qilmoqda.

Nashr ma’lumotlariga ko‘ra, milliarder taxminan bir yildan beri qiymati 12 million AQSh dollar turadigan qasrda yashab kelgan. Mask avvalroq SpaceX’dan ijaraga olingan, uni yig‘ish va ko‘chirish mumkin bo‘lgan kichik uyda yashashini aytgandi.
Uyning maydoni — taxminan 37 kvadrat metr, narxi esa bor-yo‘g‘i 50 ming dollarni tashkil etadi. U Texas shtatida, SpaceX o‘z raketalarini uchirish bilan shug‘ullanadigan joydan uncha uzoq bo‘lmagan yerda joylashgan.

Qayd etilishicha, 2020-yilning may oyida Mask deyarli barcha mulkidan qutulishini e’lon qilgan. Buning sababini milliarder o‘zini Mars va Yerga bag‘ishlashi, moddiy qadriyatlar esa uni pastga tortishi bilan tushuntirgan. U o‘zining barcha mulkini sotishni boshlagan va 2021-yil dekabr oyida oxirgi uyini sotgan.

Ta’kidlanishicha, Mask haqiqatan do‘sti Ken Hauerining uyida yashaydi. Ular PayPal’ga asos solinganidan beri bir-birini taniydi. Hauerining uyi 740 kvadrat metrdan ortiq maydonda, Texasning Ostin shahridagi maxsus hududda joylashgan. Maskanda suzish havzasi, jakuzi va shaxsiy qayiq to‘xtash joyi mavjud.

Bundan tashqari, Mask yashirincha Ostindan o‘ziga uy qidirmoqda. Nashr manbalariga ko‘ra, u allaqachon bir nechta riyeltorlarni yollagan va variantlarni ko‘rib chiqmoqda. Ulardan biri zargarlik buyumlari dizayneri Kendra Skottning uyi bo‘lgan. Biroq kelishuv amalga oshmagan, chunki milliarder bir necha bor kvartirani ko‘rish uchun kelmagan.
Maqola e’lon qilinganidan so‘ng, Ken Haueri bu haqiqat emasligini aytib, gazetaga izoh berib ulgurgan.

“WSJ maqolasi yolg‘on. Men u yerda yashamayman va hech qayerdan uy sotib olmoqchi emasman”, — degan Maskning o‘zi.
Shuningdek, SpaceX rahbari Twitter’da WSJ nashriga javob qaytargan. “Ho‘p, lekin [bu saroydagi] yostiq jildlari qanday rangda? Biz bu muhim tafsilotlarni bilishimiz kerak!”, deb yozgan biznesmen post ostidagi izohlarda.

• Ilon_Mask
• Tesla